سلفي | مصر | فيس بوك |د . مصطفي محمود على حسابة ...... #salafi _ والله الواحد زه...

[S.N.N]

?سلفي | مصر | فيس بوك |د . مصطفي محمود على حسابة ......
#SALAFI _
والله الواحد زهق من كتر السكوت

محدش قال ان البنت اللى اتسحلت واتضربت دى ماتهمناش ... اقسم بالله انا لما شوفت الفديو كان دمى بيتحرق من العسكرى القذر اللى بيضربها ... بس ليه الناس كلها نازلة تخوين فى التيار الاسلامى ... انا عايز اسأل الناس اللى نازلين فينا شتيمة ليل ونهار :

كنتوا فين والاخوة بيتعذبوا فى المعتقلات والواحد فيكم كان لما بيشوفه فى شارع يمشى من شارع تانى عشان ما يسلمش عليه ويبقه مشتبه فيه

كنتوا فين لما امن الدولة يطب عليك وش الفجر وينتهك حرمة بيتك ونساءك وانت قاعد مستريح فى سريرك وتكتفى بالبص من الشباك وترجع تانم تانى

كنتوا فين لما كان الواحد فينا بيتشد اشتباه عشان مربى لحيته

كنتوا فين لما الاف الاخوة ماتوا فى المعتقلات من التعذيب بدون اى جريمة

كنتوا فين لما البنت المنتقبة مش عارفة تدخل الجامعة بالنقاب او تسكن فى المدينة الجامعية

كنتوا فين لما الجارايد كانت نازلة سب فى المنتقبات ووصفها بالخيمة وانها متخلفة ومتشدده وشايلة متفجرات تحت النقاب

كنتوا فين لما المنتقبات والملتحين لحد دلقوتى ممنعوين من دخول بعض الاماكن

الواحد فينا كان معرض للاعتقال وانتهاك حرمة بيته ونساءه تضرب من امين شرطة قذر لمجرد انه ملتحى وبينزل يصلى الفجر فى الجامع وبيحفظ اطفال قران فى المسجد

ومع كل ده ولا كنا عايزين سلطة ولا زفت ... كان الواحد فينا بيدعوا لربنا على الاقل بمظهره واخلاقه وانتوا كنتوا بتتريقوا عليه وتتهموه انه ارهابى وجاهل ومتخلف ورجعى

الناس اللى بتتكلم دلوقتى عن الرجولة والشهامة محدش فيهم شاف اللى احنا شوفناه من تعذيب واهدار كرامة وضياع للمستقبل وترميل للنساء وتيتيم للاطفال ... وبعد كل ده عايزين تطلعونا مش رجالة ؟؟...?